'n Advertensie vir T-hemde - gemaak in China, raai ek, o die ironie - wat die Afrikaner se geskiedenis verheerlik, word deur 'n Suid-Afrikaanse onderneming met 'n Noorse naam bemark. Die advertensie verskyn netnou op my tydslyn op Facebook, en die ironie skrei ten Valhalla ag ek bedoel ten hemele.
Die Afrikaner het wel veel om op trots te wees vergeleke met ander etniese groepe, hoewel geloofsgefoktheid en die algemene onnooslikheid as resultaat dit oorskadu. Vir elke uitblinkende ster soos Musk, Barnard, en Shuttleworth is daar negeduisend dowwe sterre wat hulself as Christene uitgee terwyl hulle mede-Afrikaners probeer inloop. Die advertensie se naam tref dus diep, vir diegene van julle wat darem weet wat Valhalla is.
